МЗС Беларусі рэкамендуе пакуль не ездзіць у Ізраіль
У сувязі з эскалацыяй напружанасці ў гэтай краіне. Да стабілізацыі сітуацыі беларускім грамадзянам рэкамендуецца ўстрымацца ад наведвання Ізраіля.
Як адзначае БЕЛТА, найбольшую небяспеку на сённяшні момант уяўляюць паўднёвыя і цэнтральныя раёны гэтай краіны.
Нагадаем, сітуацыя ў рэгіёне выбухнула ў мінулую суботу, калі ісламісты з гранатамёта абстралялі ізраільскі армейскі джып. Чацвёра салдат былі параненыя. У адказ ізраільскія самалёты пачалі наносіць удары па сектару Газа, баевікі з ХАМАС запусцілі ракеты па Ізраілю. Ахвяры ёсць з абодвух бакоў. Сёння стала вядома, што палестынцы збілі над сектарам Газа ізраільскі вайсковы самалёт, лётчыкі-афіцэры ўзятыя ў палон.
Ізраільскія войскі падрыхтаваліся да наземнай вайсковай аперацыі.
Фота — AFP
