Снегапады ў Германіі, польскія клубніцы і забарона TikTok — #ІхНоравы

22/04/2024 - 17:20

Замежныя навіны / @rubanau_collage

Калі Кітай не прыме ўмовы ЗША, у Амерыцы забароняць TikTok. Парламент Літвы прапануе ўвесці адказнасць за перавоз тавараў з сімволікай аўтарытарных або таталітарных рэжымаў. Германію заваліла красавіцкім снегам. А ў Польшчы сёлета можа прапасці ўраджай клубніц?

Пра ўсё гэта чытайце ў нашым традыцыйным аглядзе міжнародных навін "Іх норавы".

Германія пад вясновым снегам

За некалькі гадзін у баварскім рэгіёне Верхняя Франконія выпала 25 см снегу. Гэта больш, чым за ўсю мінулую зіму!

Снегапад з нечаканай сілай накрыў некаторыя рэгіёны Германіі. Метэаролагі тлумачаць стыхію прыходам палярнага паветра.

На фотаздымках вясновы снег выглядае прыгожа, але спецыялісты папярэджваюць пра небяспеку абвалаў мокрых снежных мас з ужо пакрытых лісцем дрэў. Непагадзь нясе нязручнасці жыхарам краіны — дзе-нідзе перакрытыя дарогі.

Снегопады в Германии, польская клубничка и запрет на TikTok — #ИхНравы

Вясновыя снегапады ў Германіі

Ураджай польскіх клубніц пад пагрозай

У Польшчы не хапае людзей для збору клубніц. Калі іх не знойдуць, амаль палова будучага ўраджаю можа прапасці.

Дэпутаты тлумачаць сваю ініцыятыву жаданнем "абараніць літоўскае грамадства ад дэзінфармацыі і маніпуляцый з дапамогай інфармацыі".

Па словах ініцыятараў праекта, такая прапанова выкліканая зваротам Літоўскай мытні ў Службу інспектара па журналісцкай этыцы з просьбай ацаніць пасылку з кнігамі і перыядычнымі выданнямі, якая прыйшла ў Літву. Эксперты выявілі, што большая частка перададзенай для ацэнкі літаратуры і перыядычных выданняў утрымлівала прапаганду і дэзінфармацыю.

TikTok могуць забараніць

Амерыканцы могуць застацца без TikTok. Палата прадстаўнікоў паставіла ўльтыматум кітайскай кампаніі ByteDance: прадаць сваю долю або сысці з самага буйнога — амерыканскага — рынку, які налічвае 150 мільёнаў актыўных карыстальнікаў відэасэрвісу.

Згодна з прынятым законапраектам, у кітайскай кампаніі ёсць дзевяць месяцаў, каб прыняць рашэнне. Калі рэакцыі не будзе — TikTok аўтаматычна выдаляць з амерыканскіх крам з праграмамі.

Што не так з TikTok? ByteDance, якая атрымлівае дадзеныя ад мільёнаў амерыканцаў, знаходзіцца пад сур'ёзным уплывам кітайскай дзяржавы. Улады ЗША асцерагаюцца, што такім чынам Кітай можа мець сур'ёзны і непрадказальны інструмент уплыву на амерыканскае грамадства.

Патэнцыйная забарона TikTok не выклікала асаблівых спрэчак у ніжняй палаце парламента: яго падтрымалі 360 заканадаўцаў, 58 прагаласавалі "супраць".