Заячы секс, лісіца ў горадзе і палёты ў небе: пераможцы конкурсу BWPA 2025

Брытанскі конкурс фатографаў British Wildlife Photography Awards назваў пераможцаў 2025 года. Паглядзіце, хто атрымаў галоўны прыз.

Гэты здымак аўтар назваў “Гарадская даследчыца”, яго зрабіў Сайман Уітмэн. На фота — чырвоная лісіца, знятая ў Брыстолі.

Фатограф расказвае, што прыкладна тры гады здымаў гэтую лісіцу і змог адсачыць яе перамяшчэнні па горадзе. Ёй давялося перасекчы мноства дарог, і яе чакалі розныя небяспекі.

“Гэта кемлівая лісіца была паспяховай маці і мела патомства, якое трэба было карміць. Яна патрулявала вуліцы і раён каля сваёй нары, шукаючы ежу для сябе і сваіх малых. Яна палявала на грызуноў і птушак, а таксама шукала рэшткі ежы, што заставаліся на зямлі.

Я хацеў зафіксаваць партрэт асяроддзя, пакуль яна займалася сваімі штодзённымі справамі. Мяне адразу прыцягнуў цікавы эфект перспектывы гэтых парэнчаў, і я захацеў паказаць прыгажосць у гэтай звычайнай гарадской сцэне”, — дзеліцца гісторыяй здымка фатограф.

Ніжэй вы можаце паглядзець работы іншых намінантаў British Wildlife Photography Awards 2025.