Суд у Гродне адмовіў у пазове кампаніі "Флагман М'юзік" да Бондаравай
Вольга Бондарава / кадр з яе YouTube-канала
Эканамічны суд Гродзенскай вобласці адмовіў кампаніі "Флагман М'юзік" у пазове да Вольгі Бондаравай аб абароне дзелавой рэпутацыі. Пра гэта напісала сама прапагандыстка ў сваім тг-канале.
Кампанія "Флагман М'юзік" займаецца прадзюсаваннем артыстаў і блогераў. І іх ліку — Дзмітрый Сіўчык (ДзімДзімыч). Бондарава пастаянна вінаваціць яго ў ЛГБТ-прапагандзе, кепскіх водгуках на адрас сілавікоў і закліках да сацыяльна небяспечных паводзін. У выніку кампанія падала пазоў да яе.
Раней пазоў супраць Бондаравай падаваў гродзенскі сайт Grodno.in — тады справу ўдалося залагодзіць да суда праз медыятара.
