Сёлетні фэст "Рок за Баброў" пераносіцца на 2023 год
Летні мінскі фэст "Рок за Баброў" пераносіцца на 2023 год. "У сувязі з геапалітычным становішчам у свеце нашы хэдлайнеры не маюць магчымасці выступіць на нашым фестывалі", — тлумачаць арганізатары.
Гэта ўжо трэці запар перанос фэсту "Рок за Баброў". У 2020-м і ў 2021-м яго не праводзілі праз складанае эпідэміялагічнае становішча. А сёлета перашкодзіла вайна.
Арганізатары фэсту просяць з разуменнем паставіцца да сітуацыі і не здаваць квіткі. Каб падтрымаць "Рок за Баброў", які "абавязкова адбудзецца ў 2023 годзе".
