У Магілёве сілавікі наведваюць адрасы рэгістрацыі тых, хто выехаў за мяжу
Міліцыянты абыходзяць дамы і кватэры па вечарах (ілюстрацыйнае фота) / sb.by
У Магілёве сілавікі наведваюць адрасы рэгістрацыі тых, хто з розных прычын выехаў за мяжу (мяркуецца, што з 2020 года, ратуючыся ад рэпрэсій, выехалі сотні тысяч грамадзян Беларусі). Участковых міліцыянтаў цікавіла, ці вярнуліся беларусы, а калі не, дык ці збіраюцца яны вяртацца. Візіты адбываліся пасля 19-й гадзіны і не суправаджаліся ніякімі дакументамі, піша @MAYDAYMog.
Ні ператрусаў, ні аглядаў, ні афіцыйных допытаў на месцах міліцыянтамі не праводзілася. У адным выпадку ўчастковы прызнаўся, што выконваецца загад кіраўніцтва для "падтрымання бяспечнай сітуацыі напярэдадні выбараў".
Падобныя візіты адбываюцца не толькі ў Магілёве. Ёсць інфармацыя і з іншых рэгіёнаў краіны.
Напярэдадні "выбараў" міліцыянты вырашылі прайсціся і па дамах беларусаў, якія ўдзельнічалі ў пратэстах 2020-га.
