У Мінску прэзентавалі 500-старонкавую кнігу пра "Песняроў"

У Мінску прэзентавалі 500-старонкавую кнігу пра легендарны ансамбль "Песняры", інфармуе сайт sb.by. Яе напісаў Уладзіслаў Місевіч (над ёй таксама працавалі Юрый Кунец і Аляксандр Кацікаў, а літаратурным кансультантам быў Сяргей Трэфілаў). Ён згадаў пра закуліснае жыццё музыкантаў, пра прыгоды на амерыканскіх гастролях, пра барацьбу за цвярозасць. Ёсць у кнізе і пра тое, чаму не атрымалася супрацоўніцтва з Уладзімірам Высоцкім. Шмат увагі надаецца творчым пошукам Уладзіміра Мулявіна.

У кнізе змешчана больш за сотню ўнікальных фотаздымкаў.