У самалёта "Белавія" ў палёце адмовіла сістэма папярэджання сутыкнення
Самалёт "Белавія", ілюстрацыйнае фота
Сістэма папярэджання сутыкнення самалётаў у паветры (TCAS) адмовіла ў самалёта "Белавія".
Гэта адбылося ў ноч на 17 сакавіка, калі борт вяртаўся рэйсам з Масквы, піша "Зеркало" са спасылкай на тэлеграм-канал AVIAINCIDENT.
Інцыдэнт здарыўся ў паветры за 75 км на поўдзень ад расійскага Ржэва на вышыні прыкладна 8 км.
Камандзір вырашыў працягваць палёт да Мінска. Пасадка прайшла паспяхова і адбыллася ў 0:35. Дапамога не спатрэбілася.
Як расказвала Еўрарадыё, некалькі тыдняў таму пры пасадцы рэйса Масква — Брэст у рухавік самалёта Embraer 175 трапіла птушка.
