Уладзіміру Чудзянцову прад'яўленае абвінавачанне па двух "наркатычных" артыкулах

Аляксей Карпека
30/11/2019 - 14:29
Соцыум
Уладзімір Чудзянцоў / Белсат  
Уладзімір Чудзянцоў / Белсат  

Затрыманаму дзевяць дзён таму заснавальніку сайта by24.org Уладзіміру Чудзянцову прад'явілі абвінавачванне па двух "наркатычных" артыкулах Крымінальнага кодэкса:

"Прад'яўлена абвінавачанне ў спробе кантрабанды наркатычных рэчываў [артыкул 328-1 КК. — Еўрарадыё], і дадалося абвінавачванне па частцы 1 артыкула 328, якая прадугледжвае адказнасць за перавозку і захоўванне наркатычных рэчываў без мэты збыту", — паведаміў Еўрарадыё адвакат Чудзянцова Аляксандр Галіеў.

Стала вядома, што за рэчывы знайшлі ў кватэры Уладзіміра ў Мінску — гэта апынуліся шэсць грам марыхуаны. Ад дачы паказанняў Чудзянцоў адмовіўся, ён застаецца пад вартай у СІЗА Брэста, яго арыштавалі на два месяцы.

Па двух прад'яўленых артыкулах Чудзянцову пагражае пазбаўленне волі да сямі гадоў.

Журналіст Чудзянцоў у брэсцкім СІЗА, у яго кватэры знайшлі невядомае рэчыва

21 лістапада брэсцкія мытнікі знялі Уладзіміра Чудзянцова  з цягніка, які ехаў у Польшчу. Са словаў яго сяброў, яму прапанавалі там працу.

Пры перасячэнні мяжы ў багажы Чудзянцова была знойдзеная марыхуана. Але, як паказаў агляд, ён не быў пад уплывам наркотыкаў.

Маці журналіста Ніна Зуева распавяла, што ў той жа дзень у іх кватэры праваахоўнікі знайшлі яшчэ два пакеты з нейкім рэчывам.

Па словах адваката, Чудзянцоў віны не прызнаў і заявіў, што наркотыкі яму падкінулі. Сваё затрыманне ён звязвае з супрацоўніцтвам з блогерам Сцяпанам Святловым, які вучыцца і працуе ў Польшчы. Сам Святлоў таксама заяўляе пра палітычны матыў у затрыманні Чудзянцова. Ён запусціў кампанію падтрымкі з хэштэгам #FreeChudentsov.

Уладзімір Чудзянцоў займаецца журналістыкай з 1990-х. Спачатку — пралукашэнкаўскай прапагандай. З цягам часу ён сышоў з дзяржаўных СМІ, змяніў прозвішча і ўладкаваўся журналістам на TUT.by. Пасля скандалу звольніўся і заснаваў сайт by24.org, заняў радыкальную антырасійскую пазіцыю.

Па тэме:

"Не журналіст" — ці важна гэта ў сітуацыі з арыштам Чудзянцова?

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Tags
Затрыманне журналістаў у Беларусі
Затрыманні ў Беларусі
Наркотыкі

Апошнія навіны
больш навінаў

Галоўнае

Васіль Верамейчык

Пабрацім пра Верамейчыка: “Валявы і абсалютна надзейны чалавек"

Васіль Верамейчык

“Ён не думаў, што цікавіць рэжым” — размова з жонкай Васіля Верамейчыка

Кубачак кавы

Го на каву! Як КДБ пераследуе беларусаў за мяжой і ці пачнецца ядзерная вайна

Гісторыі беларусаў, якія сутыкнуліся з дэпартацыяй

Як склаўся лёс беларусаў, якім пагражала дэпартацыя — згадваем гучныя гісторыі

Выбар рэдакцыі

Аляксандр Кныровіч

Адключыць інтэрнэт і жахнуць ядзеркай — стрым з Кныровічам

Васіль Верамейчык

“Ён не думаў, што цікавіць рэжым” — размова з жонкай Васіля Верамейчыка

Аліна Коўшык

“Белсат”: звальненні, прызначэнні, палітычная ангажаванасць і свабода слова

Арцём Брухан

“Пятае кола”: пра двоеўладдзе, "выбары" і элітны дом састарэлых для чыноўнікаў

Антываеннае шэсце ў Берліне

У Берліне праходзіць антываенны мітынг расійскай апазіцыі

Соцыум

Палітыка

Эканоміка

Культура

Спорт

Музыка

Стань журналістам! Паведамі навіну!
Support usПадтрымай нас
Global Affairs Canada