Вольга Карач заявіла, што ўлады Літвы адмовілі ёй у палітычным прытулку

Грамадская актывістка Вольга Карач заявіла, што ўлады Літвы адмовілі ёй у палітычным прытулку. Па словах Карач, якія перадае расійскае выданне "Медуза", яе абвясцілі "пагрозай нацыянальнай бяспецы".

У абгрунтаванне гэтага, як заяўляе Карач, прастаўнікі Літвы спаслаліся на тое, што яна брала інтэрв'ю ў заснавальніка ЛДПР Уладзіміра Жырыноўскага, а таксама ўдзельнічала ў канферэнцыях у Расіі, у тым ліку арганізаваных Еўракамісіяй.

Карач пакуль што застаецца ў Літве, але невядома, як доўга яна зможа гэта рабіць.

Вольга Карач — кіраўніца Цэнтра грамадзянскіх ініцыятыў "Наш дом", які ў Беларусі абвешчаны "экстрэмісцкім фармаваннем".

На мінулым тыдні стала вядома, што арганізацыю Карач "Наш дом" вылучылі на Нобелеўскую прэмію міру 2024 года разам з украінскімі і расійскімі партнёрамі.

Еўрарадыё распавядала, што "Наш Дом" супрацоўнічае з арганізацыямі, якія заклікаюць адмовіцца ад паставак зброі Украіне.