Беларусь упершыню за 14 гадоў вылецела з першай сотні рэйтынгу ФІФА
Цяпер нацыянальная каманда займае 106-ы радок новай версіі сусветнага рэйтынгу футбольных зборных.
Адзначым, што нацыянальная зборная ўпершыню за 14 гадоў пакінула топ-100 рэйтынгу. У жніўні 2000 года каманда размяшчалася на 110-м месцы, паведамляе сайт by.tribuna.com.
Самую нізкую пазіцыю ў табліцы ФІФА зборная Беларусі займала ў траўні 1994-га - 142-е месца. А лепшы рэйтынг зборная зарабіла ў часы Бернда Штанге - у лютым 2011-га каманда дасягнула 36-га радка.
