Чаргінец папрасіў Акадэмію навук скласці рэйтынг папулярнасці пісьменнікаў

Старшыня Саюза пісьменнікаў Беларусі Мікалай Чаргінец заяўляе, што кнігі сучасных беларускіх пісьменнікаў не даходзяць да паліц бібліятэк. Такую выснову Чаргінец зрабіў апытваючы рэгіянальныя бібліятэкі, у якіх бывае, паведамляе БЕЛТА.

Задачай саюза, у прыватнасці, з'яўляецца прасоўванне твораў беларускіх аўтараў, кажа Чаргінец. Адным са шляхоў ён лічыць арганізацыю рэйтынгу папулярнасці пісьменнікаў. Але якім чынам зрабіць найбольш дакладнае даследаванне, пакуль няма рашэння. З прапановай распрацаваць методыку пісьменнікі звярнуліся ў Акадэмію навук.

Саюз пісьменнікаў Беларусі правёў самастойнае даследаванне. Беларускія бібліятэкі далі інфармацыю пра колькасць кніг 48 беларускіх аўтараў і запытаў на іх на працягу двух гадоў. Колькасць запытаў склала каля 2,5 млн разоў.

Фота — bymedia.net