Дэпутат ПАСЕ назваў Еўрапейскія гульні ў Мінску фарсам
Еўрапейскія палітыкі асудзілі смяротную кару, ужытую ў Беларусі напярэдадні Еўрапейскіх гульняў.
Даніэль Хольтген, прадстаўнік генсакратар Савета Еўропы, адгукнуўся на гэтую падзею ў Твітары: "Мы асуджаем чарговае пакаранне ў Беларусі, пра якое паведамляюць праваабаронцы. Смерць — гэта не справядлівасць. Мы зноў заклікаем улады ўвесці мараторый на ўжыванне смяротнага пакарання ў якасці першага кроку да яго адмены".
Каментуючы гэтую заяву, кіраўнік групы сацыялістаў у ПАСЕ Франк Швабе напісаў: "Гэта паказвае, што рашэнне правесці Еўрапейскія гульні ў Беларусі было ад пачатку памылковым. Уся падзея — фарс".
Як паведамляла Еўрарадыё, сёння стала вядома, што смерцю пакараны Аляксандр Жыльнікаў, асуджаны за двайное забойства. Лёс другога фігуранта справы — Вячаслава Сухаркі невядомы, але звычайна ў Беларусі разам расстрэльваюць фігурантаў адной справы, кажуць праваабаронцы.
We condemn another execution in #Belarus, as reported by rights defenders. Death is no justice. We reiterate our call on the authorities to impose a moratorium on the application of #deathpenalty as the first step towards its abolition.
— Daniel Holtgen (@CoESpokesperson) June 13, 2019
https://t.co/txHO1MnzT1
Больш важных падзей у праграме "Еўразум"
