Дзясяткі затопленых вуліц і закрытыя станцыі метро — наступствы дажджу ў Мінску

Пасля дажджу ў Мінску падтоплены шэраг вуліц, а таксама некалькі падземных пераходаў і будынкаў. У МНС кажуць, што станам на 13.00 пад вадой застаюцца 38 участкаў дарог, падтоплены адзін паркінг, будынак і два падземныя пераходы.

Самы складаны ўчастак, паводле іх ацэнак, — раён станцыі метро "Парк Чалюскінцаў". Ратавальнікі адпампоўваюць тут ваду з дапамогай мотапомпаў. Станцыю метро часова закрывалі, але ўжо адкрылі. Быў зачынены таксама вестыбюль на станцыі метро "Усход".

У сацсетках таксама з'явіліся фота падтопленых гандлёвых цэнтраў і Камароўскага рынку.