Галоўчанка прывёз у Аман "нацыянальны здабытак"
Збор твораў Скарыны ў Амане / t.me/government_by/
Раман Галоўчанка прывёз у Аман "нацыянальны здабытак". Прэм'ер-міністр РБ, які знаходзіўся ў гэтай краіне з афіцыйным візітам, перадаў у Нацыянальны музей Амана збор твораў Францыска Скарыны (факсімільнае выданне).
"Гэта наш нацыянальны здабытак. Факсімільнае выданне, як прынята казаць, збор твораў вялікага асветніка і гуманіста, нашага земляка Францыска Скарыны, — гаварыў Галоўчанка. — Мы сабралі ўсе яго вядомыя работы, якія былі надрукаваныя. Гэта жамчужына еўрапейскага кнігадрукавання. Мы вельмі хочам, каб гэтае выданне засталося тут, на аманскай зямлі, як сімвал унёску нашага народа".
