Леанід Судаленка ў бяспецы, але яму неабходна дапамога

У Варшаве побач з гатэлем, дзе праходзіць канферэнцыя “Новая Беларусь”, адбыўся невялікі пікет. Невядомыя людзі прынеслі плакаты са здымкамі палітвязняў, а таксама пытаннямі да Святланы Ціханоўскай.

На адным з плакатаў Еўрарадыё заўважыла інфармацыю пра экс-палітвязня, лаўрэата французскай прэміі, праваабаронцу і прававога інспектара незалежнага прафсаюза Леаніда Судаленку.

Відаць, чалавек, які прынёс яго, не заўважыў, што актывіста выпусцілі і ён ужо знаходзіцца ў бяспецы. Тым не менш, яму сапраўды патрэбна падтрымка. Кожны жадаючы можа дапамагчы мужчыне пачаць новае жыццё на новым месцы праз фонд BYSOL.

Падрабязную гісторыю пра Леаніда Судаленку чытайце па спасылцы.