Метэарыту, які ўпаў пад Мінскам, далі імя
Аскепак метэарыта / Onliner
Метэарыт, які ўпаў пад Мінскам, атрымаў назву "Смалявічы" — у гонар горада, каля якога яго шукалі, перадае "Спутнік".
Загадчык Мінскага планетарыя, кіраўнік астранамічнага клуба "Аш-Ню" Аляксандр Мікуліч кажа, што метеарыт ляцеў да Зямлі з боку Марса.
Як паведамлялася раней, нябеснае цела ўпала каля Смалявічаў 25 снежня 2024 года ў 17:29. Яго аскепкі шукалі валанцёры і энтузіясты. Вага аскепкаў — ад 10 грамаў да 1 кілаграма. Каб пацвердзіць, што знойдзеныя менавіта аскепкі метэарыта, патрабуюцца дадатковыя лабараторныя даследаванні.
Метэарыт, які ўпаў пад Мінскам, стаў шостым зарэгістраваным касмічным аб'ектам на тэрыторыі Беларусі. Адзін з самых вядомых — метэарыт "Налібакі", яго падзенне зафіксавалі ў 1894 годзе паблізу аднайменнай вёскі. Знаходка гэтага метэарыта стала падзеяй, якая трапіла ў міжнародныя навуковыя часопісы.
