Расіяне выкарысталі папераджальнае кіданне бомбаў перад брытанскім эсмінцам
Расіяне выкарысталі папераджальнае кіданне бомбаў перад брытанскім эсмінцам Defender. Інцыдэнт адбыўся ў Чорным моры каля Севастопаля (каля акупаванага Расіяй Крыму). Па версіі Мінабароны РФ, эсмінец парушыў мяжу на тры кіламетры і не рэагаваў на папярэджанні. Таму расійскі памежны вартавы карабель адкрыў папераджальную стральбу, а далей ужо Су-24М выканаў папераджальнае кіданне бомбаў па курсе руху эсмінца краіны NATO. Пасля гэтага Defender змяніў курс.
Брытанскі эсмінец удзельнічаў у манеўрах у Чорным моры ў рамках сумесных вучэнняў Вялікабрытаніі, ЗША і Украіны.
Ваеннага аташэ амбасады Вялікабрытаніі ў Расіі выклікалі ў Мінабароны РФ.
Пазней Мінабароны Вялікабрытаніі паведаміла ў Твітары, што ніякага абстрэлу эсмінца не было. Карабель, як заяўляецца, ішоў ва ўкраіскіх тэрытарыяльных водах.
No warning shots have been fired at HMS Defender.
— Ministry of Defence Press Office (@DefenceHQPress) June 23, 2021
The Royal Navy ship is conducting innocent passage through Ukrainian territorial waters in accordance with international law.
