Стала вядома, калі ў Мінску адключаць навагоднюю ілюмінацыю
Навагодняя ілюмінацыя ў Мінску / "Мінск-Навіны"
Навагоднюю ілюмінацыю ў Мінску адключаць у ноч з 14 на 15 студзеня.
"Апошні дзень працы святочнай падсветкі — Стары Новы год, а ў ноч на 15-га будзе праводзіцца дэмантаж. Пры гэтым 22 светлавыя фігуры ў горадзе — стацыянарныя, іх адключаць не будуць", — прыводзяць "Мінск-Навіны" словы начальніка вытворча-тэхнічнага аддзела прадпрыемства "Мінгарсвятло" Яўгена Стасяловіча.
Святочная навагодняя ілюмінацыя, якая ўпрыгожыла Мінск у снежні 2024-га мае агульную працягласць больш за 250 км. Каля 50 км прыпадае на навагоднія ялінкі.
Летась ілюмінацыю сталіцы папоўнілі 14 аб'ектаў — гэта разнастайныя светлавыя матывы і кампазіцыі.
Паводле Стасяловіча, уся святочная ілюмінацыя — святлодыёдная, што дазваляе знізіць энергаспажыванне.
