У Лізе Нацый футбалісты Беларусі згулялі ўнічыю з балгарамі
Футбольны матч Лігі Нацый / НАК Беларусі
У венгерскім горадзе Залаэгерсег футбалісты зборнай Беларусі 5 верасня правялі першы матч групы С3 Лігі Нацый. Іх сапернікамі была каманда Балгарыі.
Гульня скончылася ўнічыю — 0:0.
У іншай сустрэчы групы С3 у Белфасце футбалісты Паўночнай Ірландыі абыгралі зборную Люксембурга — 2:0.
Другі тур пройдзе 8 верасня. У ім беларусы адправяцца ў госці да каманды Люксембурга, а 12 кастрычніка зноў у Венгрыі згуляюцю з футбалістамі Паўночнай Ірландыі.
