У МУС адказалі, ці выпускаюць з краіны тых, хто не паведаміў пра ДНЖ
Інфармацыя аказалася фэйкам / vk.com/gpkgovby
Інфармацыя пра тое, што беларусаў, якія не паведамілі пра замежны ДНЖ, не будуць выпускаць з краіны — няпраўда. Пра гэта ў дзяржаўнай “Сельскай газеце” заявіў прадстаўнік МУС Аляксей Бягун.
Інфармацыя пра такое магчымае абмежаванне ўскалыхнула інтэрнэт пасля відэа аднаго з візавых агенцтваў, кліента якога нібыта не выпусцілі з краіны. Чытачы Еўрарадыё пасля публікацыі відэа пісалі ў рэдакцыю, што іх выпускалі з краіны без паведамлення пра ДНЖ. Афіцыйна абверглі інфармацыю праз амаль месяц.
