У Варшаве створаны часовы мемарыял у гонар герояў Беларусі
Часовы мемарыял у Варшаве / t.me/post_rudzik/
У Варшаве створаны часовы мемарыял у гонар герояў Беларусі. Беларусы яго арганізавалі на пляцоўцы каля Музея Вольнай Беларусі (Foksal, 11).
Асацыяцыя беларускіх ветэранаў паведамляе, што мемарыял будзе адкрыты з 19-га да 31 траўня (штодзённа з 10.00 да 22.00). Спачуванні можна будзе пакінуць у кнізе, якая знаходзіцца ў будынку Музея.
"Прыходзьце ўшанаваць памяць усіх герояў нашай Бацькаўшчыны, якія аддалі сваё жыццё за ідэю свабоднай Беларусі і Украіны", — заклікаюць ветэраны.
Ва Украіне за час вайны загінулі дзясяткі беларускіх добраахвотнікаў. Полк Каліноўскага паведаміў пра пяць байцоў, якія днямі загінулі ў Бахмуце.
t.me/post_rudzik/
t.me/belsat/
