Ураджай зерня сёлета будзе горшы за мінулагодні
![Уборачная ў полі](/sites/default/files/styles/gallery_main/public/2024-09/uborka_mp0109.jpg.webp?itok=S6Dpray-)
Уборачная ў полі / "Мінская праўда"
Ураджай зерня сёлета будзе горшы за мінулагодні. І істотна горшы — прыкладна на 1 млн тон.
На 1 верасня беларускія аграрыі намалацілі каля 6,7 млн тон збожжавых і зернебабовых культур. Па зерні ўборачная амаль што завершаная. А летась валавы збор збожжавых і зернебабовых склаў 7,665 млн тон.
А ў 2022-м было сабрана 8,693 млн тон збожжавых і зернебабовых культур. То бок, апошнія тры гады тэндэнцыя сумная — -1 млн тон збожжавых і зернебабовых за год.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.