Вялікабрытанія ўводзіць санкцыі супраць беларускага калію і нафтапрадуктаў
Вялікабрытанія ўводзіць санкцыі супраць беларускага калію і нафтапрадуктаў, тавараў, якія выкарыстоўваюцца ў вытворчасці цыгарэт, а таксама забарону на куплю беларускіх каштоўных папер і прадастаўленне крэдытаў. Санкцыі накладваюць абмежаванні і на тавары, тэхналогіі падвойнага прызначэння. Таксама зробяць больш жорсткім існуючае эмбарга на пастаўкі зброі.
Як стала вядома, Вялікабрытанія ўнесла расійскага алігарха Міхаіла Гуцарыева ў санкцыйны спіс як "памагатага Лукашэнкі".
Падчас "Вялікай размовы" журналіст "Бі-Бі-Сі" сказала Аляксандру Лукашэнку пра гэтыя санкцыі.
Лукашэнка: "Вялікабрытанія? Гасподзь з вамі. Ды падавіцеся вы гэтымі санкцыямі! Мы тысячу гадоў вас не ведалі. Вы — прыхвасцені амерыканскія!.. Уводзьце! Паглядзім, пабачым, да чаго гэта прывядзе".
