З трэцяй спробы на аўкцыёне ў Мінску прадалі кватэру Ціханоўскіх

У Мінску на аўкцыёне была прададзеная кватэра Сяргея Ціханоўскага, якая размешчаная на праспекце Незалежнасці ў мікрараёне "Усход". Інфармацыя пра гэта з'явілася на пляцоўцы Белюрзабеспячэння.

Адзначым, што прадаць кватэру на аўкцыёне ўдалося з трэцяга разу. Першыя два ахвотных не знайшлося. Гэтым разам пачатковы кошт быў заяўлены на ўзроўні 171,9 тыс. рублёў. Сума здзелкі ў выніку склала 203 687,28 рубля.

Адзначым, што гаворка ідзе пра трохпакаёвую кватэру плошчай 66 кв м. У кватэры ёсць убудаваная кухня. Раней каментуючы продаж кватэры, Святлана Ціханоўская назвала гэты аўкцыён "марадзёрствам і бандытызмам".