Зборная Беларусі згуляла ўнічыю з Паўночнай Ірландыяй ў Лізе нацый
Беларусь — Паўночная Ірландыя / William Cherry / Presseye
Зборная Беларусі згуляла ўнічыю з Паўночнай Ірландыяй ў Лізе нацый. Матч скончыўся з лікам 0:0.
"Гэта быў вечар расчаравання для Паўночнай Ірландыі, — пішуць тамтэйшыя медыі. — У Венгрыі [праз санкцыі Беларусь гуляе свае матчы там. — Еўрарадыё] ёй прыйшлося задаволіцца толькі адным ачком".
"Пазітыўна тое, што не прайгралі, а ўзялі ачко. Трэба думаць пра пазітыў", — сказаў на пасляматчавай канферэнцыі галоўны трэнер зборнай Беларусі Карлас Алос.
Цяпер Беларусь дзеліць з Балгарыяй першае месца ў сваёй групе. Наша каманда за тры гульні забіла толькі адзін мяч, але ніводнага не прапусціла.
