Арцыбіскупу Кандрусевічу зрабілі аперацыю па выдаленні пухліны
Арцыбіскуп Тадэвуш Кандрусевіч / catholic.by
8 лютага арцыбіскупу-эмэрыту Тадэвушу Кандрусевічу зрабілі аперацыю па выдаленні пухліны, паведамляе catholic.by.
Сам іерарх паведаміў са шпіталя, што аперацыя, па словах лекараў і ягоным самаадчуванні, прайшла паспяхова. Цяпер арцыбіскуп пачуваецца добра і праходзіць пасляаперацыйную рэабілітацыю.
"Напярэдадні Сусветнага дня хворага, які адзначаецца 11 лютага, малітоўна яднаюся з усімі хворымі. Няхай Маці Божая з Люрда сваім заступніцтвам нас умацоўвае і выпрошвае ласку здароўя для душы і для цела", — кажа Кандрусевіч.
Як распавядала Еўрарадыё, напярэдадні аперацыі Мінска-Магілёўскі мітрапаліт арцыбіскуп Юзаф Станеўскі разам з біскупамі-суфраганамі Мітраполіі Касцёла ў Беларусі папрасіў вернікаў і святароў маліцца за здароўе Кандрусевіча.
