Лівійскі фельдмаршал абмяркоўваў з Макронам пагадненні з Лукашэнкам
Лівійскі фельдмаршал у Мінску / president.gov.by
Галоўнакамандуючы Лівійскай нацыянальнай арміі і фактычны кіраўнік Усходняй Лівіі Халіфа Хафтар, які нядаўна быў у Беларусі, сустрэўся ў Парыжы з прэзідэнтам Францыі Эмануэлем Макронам. Візіт прэс-служба Хафтара называе "афіцыйным". Абмяркоўвалася і сітуацыя ў Лівіі, і супрацоўніцтва паміж краінамі.
Як заўважае reform.news, у лівійскіх СМІ з'явілася інфармацыя, што асноўнымі тэмамі на сустрэчы ў Парыжы была расійская вайсковая прысутнасць у Лівіі і "новыя ваенныя пагадненне паміж ЛНА і Беларуссю".
Халіфа Хафтар прыляцеў у РБ 17 лютага. Яго сустракаў кіраўнік КДБ Іван Тэртэль. Ён жа разам з міністрам абароны Віктарам Хрэніным прысутнічаў на наступны дзень на сустрэчы фельдмаршала з Аляксандрам Лукашэнкам.
