Лукашэнка даручыў праверыць А1 і прыняць "самыя жорсткія меры"
![Офіс А1 у Мінску / Еўрарадыё](/sites/default/files/styles/gallery_main/public/2023-08/ofis2.jpg.webp?itok=eY_WQczu)
Офіс А1 у Мінску / Еўрарадыё
Кампанію А1 чакае праверка. Даручэнне правесці ацэнку дзеянняў кампаніі і прыняць "самыя жорсткія меры" даў Аляксандр Лукашэнка.
— Тэлекамунікацыйны і кантэнт-правайдэр А1, які працуе на тэрыторыі Беларусі, у пэўным сэнсе "зліваў" не той кантэнт і не туды. Гэта парушае любыя маральныя, этычныя і юрыдычныя нормы і правілы, — заяўляе намеснік кіраўніка адміністрацыі Лукашэнкі Ігар Луцкі.
Верагодна, праверка звязаная з затрыманнем 10 снежня прэс-сакратара А1 Мікалая Брэдзелева. На "пакаянным" відэа ён распавёў, што перадаваў блогеру Антону Матольку інфармацыю аб сілавіках, "звязаную з яго прафесійнай дзейнасцю".
У А1 заявілі, што прэс-сакратар не меў доступу да персанальных дадзеных кліентаў. Пакуль Мікалай Брэдзелеў асуджаны на 15 сутак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.