Мінскае "Дынама" будзе гуляць "хатнія" матчы Лігі канферэнцый у Азербайджане
Мінскія дынамаўцы / t.me/fc_dinamominsk/
Мінскае "Дынама" вызначылася са стадыёнам, дзе будзе прымаць сапернікаў у групавым этапе Лігі канферэнцый. Праз санкцыі клуб, як і іншыя беларускія каманды, з сакавіка 2022 года не можа гуляць у Беларусі. Таму "хатнія" сустрэчы будзе праводзіць у Азербайджане.
Але не ў Баку, а ў Сумгаіце — на стадыёне імя Мехці Гусейнзадэ.
3 кастрычніка "Дынама" (Мінск) згуляе там з шатландскім "Хартсам", 28 лістапада — з "Капенгагенам" з Даніі, 12 снежня — з "Ларнам" з Паўночнай Ірландыі.
