У Мінску ідэолагі збіраюць людзей на футбольны матч чэмпіянату Беларусі
Галоўны раённы ідэолаг Вольга Фёдарава / bspu.by
У Мінску ідэолагі збіраюць людзей на футбольны матч-адкрыццё чэмпіянату Беларусі, які 13 сакавіка адбудзецца на стадыёне ФК "Мінск". Гуляць будуць "Мінск" і наваполацкі "Нафтан".
Апублікаваны ліст, які рассылаецца начальніцай упраўлення ідэалагічнай працы Адміністрацыі Маскоўскага раёна сталіцы Вольгай Фёдаравай. Арганізацыям і ўстановам трэба "забяспечыць" прысутнасць "арганізаванай групы глядацкай падтрымкі ў колькасці не менш за 5 чалавек з атрыбутыкай заўзятараў, а таксама з наяўнасцю дзяржаўнай сімволікі". Фёдарава збірала спісы "ўдзельнікаў спартыўнага мерапрыемства".
Навошта ідэолагі гэтым займаюцца? "У мэтах якаснай падрыхтоўкі данага мерапрыемства на высокім арганізацыйным узроўні", — чытаем у згаданым лісце.
