Падчас тэракту ў Ізраілі цяжка паранены беларус — МЗС
Тэракт у Яфа / фота з сацсетак
У Ізраілі ў выніку тэракту цяжка паранены беларус. Пра гэта паведамляе МЗС Беларусі.
Гэта грамадзянін Беларусі 1997 года нараджэння, якога цяжка параніла ў горадзе Яфа. Прагнозы ўрачоў цяпер пазітыўныя, заўважае МЗС.
Міністэрства раіць устрымацца ад паездак у Ізраіль і Ліван.
Тэракт у Яфа адбыўся 1 кастрычніка. Два чалавекі, узброеныя аўтаматам, пачалі расстрэльваць людзей на прыпынку грамадскага транспарту. Сем чалавек загінулі, 16 былі параненыя.
