"Праваабаронцай года" стала Наста Базар
Наста Базар / Мостмедыя
"Праваабаронцай года" стала Наста Базар. Прэмію беларускай праваабарончай супольнасці ўручылі ў Вільні.
На намінацыю "Праваабаронца года" вылучаецца асоба, чые дзеянні за мінулы і папярэднія гады "найбольш яскрава, выразна, эфектыўна спрыялі прасоўванню і/ці абароне правоў чалавека ў Беларусі". Наста Базар — фем- і квір-актывістка, трэнерка і спікерка. Яна падтрымлівае жанчын у сітуацыях хатняга і сексуалізаванага гвалту.
Вясной 2024 года — пасля згвалтавання і забойства беларускі Лізы ў Варшаве — гендарная актывістка Наста Базар запусціла хэштэг #ХопіцьГвалціць, які стаў беларускім #MeToo. Беларускі пачалі дзяліцца сваімі гісторыямі.
У намінацыі “Журналіст года” перамаглі галоўны рэдактар Reform.news Фёдар Паўлючэнка і Дзіяна Пінчук з ПЦ "Вясна". "Праваабарончай кампаніяй / ініцыятывай года" назвалі фонд BySol. Лаўрэатам у намінацыі "Праваабарончая салідарнасць" стаў журналіст-палітвязень Ігар Ільяш.
