Расійская ракета, якая ўдарыла па Львове, ляцела праз Беларусь
![Маршрут, якім ляцела ракета "Кінжал"](/sites/default/files/styles/gallery_main/public/2024-09/mapa-0409.png.webp?itok=eZgIcuM5)
Маршрут, якім ляцела ракета "Кінжал" / t.me/war_monitor
Расійская гіпергукавая ракета "Кінжал", якая сёння атакавала ўкраінскі Львоў, хутчэй за ўсё ляцела над тэрыторыяй Беларусі, адзначае маніторынгавая група "Беларускі Гаюн".
Маршрут палёту гэтай ракеты апублікаваў тг-канал @war_monitor. Паводле яго, "Кінжал" праляцеў над тэрыторыяй Гомельскай вобласці праз Брагінскі і Нараўлянскі раёны каля 100 км. Ракета прайшла ў зоне абмежавання палётаў, якая дзейнічае ў прымежнай тэрыторыі Беларусі з Украінай ужо 2,5 года.
Зранку ў 5:47 гэтая ракета ўдарыла па Львове. У выніку яе ўдару загінулі жанчына і трое дзяцей, як пісаў мэр Львова Андрэй Садавы. Агулам ахвярамі расійскай атакі на Львоў сталі сем чалавек, больш за 40 атрымалі раненні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.