Распачатая крымінальная справа па факце ўзлому сайта “Свабодны фармат”
Журналіст і ўласнік магілёўскага незалежнага сайта Алесь Буракоў прызнаны ў гэтай справе пацярпелым.
7 жніўня ён сустрэўся са следчым, які паведаміў журналісту, што яго сайт быў узламаны праз проксі-сервер, а ІР-адрасы былі вызначаны ў Швецыі і Нідэрландах. У паліцыю згаданых краін ужо накіраваны запыты, каб адсачыць імаверных хакераў. Паводле следчага, тэарэтычна існуе верагоднасць таго, што ўзломшчыкі сайта могуць быць знойдзены.
Трэба адзначыць, што сайт “Свабодны фармат” быў узламаны невядомымі 14 сакавіка 2014 года. З яго быў выдалены ўвесь архіў навінаў і з’явілася два артыкулы, якія дыскрэдытавалі дзеячоў магілёўскай апазіцыі. Адразу пасля ўзлому Алесь Буракоў напісаў заяву ў міліцыю.
Фота — Fotolia
