Затрымалі супрацоўніка "БелМузТВ", якога падазраюць у дэманстрацыі порна
Праваахоўнікі знайшлі мужчыну ў Магілёве і ўжо прывезлі ў Мінск.
Нагадаем, здарэнне адбылося ў суботу, 13 красавіка. Каля 16-й гадзіны на канале БелМузТВ на нейкі час музычныя кліпы перапыніліся трансляцыяй парнаграфічнага відэа.
Па факце дэманстрацыі порнароліка завялі крымінальную справу. Праваахоўнікі высветлілі, што згаданы супрацоўнік, "знаходзячыся на працоўным месцы, на працягу каля 10 хвілін здзейсніў публічную дэманстрацыю відэаматэрыялаў парнаграфічнага зместу з дапамогай тэлевізійнага вяшчання, пасля чаго знік". Мужчыне пагражае ад 2 да 4 гадоў пазбаўлення волі.
Цяпер вядзецца допыт затрыманага, інфармуе "Интерфакс-Запад".
