Рыгор Кастусёў на судзе не прызнаў сваю віну

Старшыня Партыі БНФ Рыгор Кастусёў не прызнаў сваю віну па абвінавачанні ў змове дзеля захопу ўлады, піша "Спутнік".  

У Мінскім абласным судзе працягваецца суд па "змове з мэтай захопу ўлады". Сёння зачыталі абвінавачанне Кастусёву. Пракурор лічыць, што Кастусёў уступіў у змову, арганізаваную Юрасём Зянковічам і Дзмітрыем Шчыгельскім.

Сам Кастусёў на судзе заявіў, што ўдзельнічаў у анлайн-канферэнцыях "змоўшчыкаў" толькі як слухач.

На суд прыйшлі сваякі Кастусёва — жонка, дачка і сястра.

Як распавядала Еўрарадыё, Аляксандр Фядута на пасяджэнні 29 ліпеня прызнаў сваю віну часткова.