Санкцыі Еўрасаюза закранулі два банкі ў Беларусі
Белгазпрамбанк
Два беларускія банкі трапілі пад санкцыі ЕС, уведзеныя 16-м пакетам. Гэты пакет быў прыняты Еўрасаюзам 24 лютага — у трэцюю гадавіну пачатку шырокамаштабнага расійскага ўварвання ва Украіну.
Гаворка і дзе пра "Белгазпрамбанк" і "Банк БелВЭБ". Яны трапілі пад санкцыі за выкарыстанне сістэмы перадачы фінансавых паведамленняў (СПФП). Гэта расійскі аналаг банкаўскай сістэмы SWIFT, які ўжываецца для абыходу санкцый.
У тлумачэнні Еўракамісіі гаворыцца, што гэтыя банкі выкарыстоўваюць СПФП "з відавочным намерам абыходзіць нашы меры".
Раней паведамлялася, што ў рамках 16-га пакета санкцый пад абмежаванні ЕС трапіў таксама завод "Інтэграл". А грамадзянам Беларусі забаранілі карыстацца крыптакашалькамі на еўрапейскіх біржах.
