Стала вядома імя яшчэ адной памілаванай палітзняволенай
![Вікторыя Гаўрыліна](/sites/default/files/styles/gallery_main/public/2024-09/haurylina-0409-2_1.jpg.webp?itok=AjkcAKtx)
Вікторыя Гаўрыліна / фота з яе старонкі ў Фэйсбуку
Па памілаванні на волю выйшла палітзняволеная Вікторыя Гаўрыліна. Яе імя назваў праўладны "палітолаг" Юрый Васкрасенскі. Ён падкрэсліў, што ёй заставалася сядзець яшчэ каля двух гадоў.
Гаўрыліна — прадпрымальніца, танцорка, маці дваіх дзяцей.
Яе абвінавацілі ў нявыплаце падаткаў, зліве даных сілавікоў, удзеле ў плане "Перамога", фінансаванні экстрэмісцкай дзейнасці. У верасні 2023-га жанчыну асудзілі на 3 гады і 3 месяцы калоніі агульнага рэжыму. Тэрмін яна адбывала ў гомельскай папраўчай калоніі №4.
Сёння стала вядома пра памілаванне 30 палітвязняў — сямі жанчын і 23 мужчын. Імёны памілаваных не называліся. СМІ пісалі толькі адно вядомае імя — сузаснавальніцы руху "Маці 328" Марыны Кісялевіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.