У аўторак у Беларусі чакаецца вецер парывамі да 14 м/с
Трэцяга сакавіка ў нашай краіне прагназуецца воблачнае з праясненнямі надвор'е.
Уначы і зранку на большай частцы тэрыторыі, а днём месцамі чакаюцца ападкі — дождж, мокры снег. У начны і ранішні час у асобных раёнах прагназуюцца слабыя туман і галалёд, на дарогах захаваецца галалёдзіца, перадае БЕЛТА. Вецер будзе паўднёвы з пераходам на заходні 4-9 метраў за секунду, месцамі парывы да 14 метраў за секунду.
Тэмпература паветра ўначы складзе ад -2 да +4 градусаў, днём — +2...+7 градусаў.
Фота — Miss_Vredina
