У чацвер па большай частцы Беларусі пройдуць дажджы
Дождж, ілюстрацыйнае фота / pixabay.com
У чацвер, 3 кастрычніка, у Беларусі чакаецца воблачнае надвор'е, паведамляе Белгідрамет.
Уначы па захадзе, а ўдзень на большай частцы тэрыторыі краіны пройдуць дажджы. Удзень месцамі па паўночным захадзе Беларусі чакаюцца моцныя дажджы, таму сінолптыкі абвясцілі жоўты ўзровень небяспекі. Вецер уначы будзе няўстойлівы слабы, удзень — усходні ўмераны.
Тэрмометры ўначы пакажуць 3-9 вышэй за нуль. Удзень прагназуецца +9...+15, па паўднёвым усходзе краіны паветра прагрэецца да 16-21 градуса цяпла.
