У Маскве зноў спрабавалі вывесіць украінскі сцяг (відэа)
Пяцёра маладых людзей затрыманыя паліцыяй за акцыю ў Дзень незалежнасці Украіны.
Яны спрабавалі вывесіць украінскі сцяг з Вялікага Каменнага моста ў цэнтры Масквы, перадае ВВС.
Паводле інфармацыі расійскіх СМІ, затрыманыя дастаўленыя ў аддзяленне паліцыі, дзе вырашаецца пытанне аб прыцягненні іх да адміністратыўнай адказнасці.
У ноч на сераду невядомыя вывесілі ўкраінскі сцяг на шпілі высотнага будынку на Кацельніцкай набярэжнай у Маскве, а таксама пафарбавалі частку зоркі ў сіні колер.
Па падазрэнні ў здзяйсненні гэтай акцыі былі затрыманыя чатыры чалавекі. Маскоўская паліцыя завяла на іх крымінальную справу за вандалізм. Пазней Таганскі суд Масквы накіраваў меркаваных удзельнікаў акцыі пад хатні арышт.
