У Мінску за суткі ў ванных патанулі двое мужчын
Дзве трагедыі за дзень (ілюстрацыйнае фота) / pixabay.com
У Мінску за суткі ў ванных патанулі двое мужчын. Абодва выпадкі адбыліся ў чацвер у Фрунзенскім раёне. Адзін з мужчын 1939 года нараджэння, іншы — 1978-га.
Абставіны здарэнняў высвятляюцца, прызначаны экспертызы, паведамляе Таварыства ратавання на водах.
Падобныя выпадкі, на жаль, нярэдкія. У лютым за суткі ў ванных патанулі два чалавекі — у Барысаве і Мінску. А ў Светлагорску напрыканцы мінулага года ў ваннай ледзь не патанулі двое дзяцей.
