У якіх краінах беларускім уцекачам лепш сустракацца са сваякамі?

Адвакат Алесь Міхалевіч у эфіры Еўрарадыё даў парады беларускім палітычным уцекачам наконт таго, дзе можна сустрэцца са сваякамі, калі ў тых няма шэнгенскай візы.

Калі разглядаць Турцыю, то Міхалевіч раіць ляцець праз непрызнаны акупаваны Паўночны Кіпр.

— Туды можна прыляцець праз нейтральную зону аэрапорта ў Турцыі, там няма памежнага кантролю, таму чалавек прылятае туды проста транзітам. Таксама сустрэчы можна ладзіць у Албаніі.

Міхалевіч кажа, што Грузія — не найгоршы варыянт, бо не падрымлівае так званую базу СНД. У адрозненне ад Арменіі ці Азербайджана, адкуль чалавека, які знаходзіцца ў вышуку, могуць экстрадыяваць.

— Таму прыезд у гэтыя краіны ці краіны Сярэдняй Азіі, той жа Казахстан, дэ-факта можна прыраўняць да прыезду ў Расію, — расказаў Міхалевіч.