Уначы ў Беларусь з Расіі прывезлі ядзернае паліва для рэактараў Астравецкай АЭС
Дастаўка адбывалася "ў рэжыме строгай сакрэтнасці" / Euroradio
Уначы 17 верасня ў Беларусь з Расіі прывезлі свежае ядзернае паліва для рэактараў Астравецкай АЭС. Ахова ўсёй чыгуначнай інфраструктуры была ўзмоцнена. Для аховы транспарту прыцягваліся супрацоўнікі МУС, КДБ, вайскоўцы. Яны выкарыстоўвалі беспілотнікі, паведамляе belzhd.com.
Цягнік "у рэжыме строгай сакрэтнасці" ад беларуска-расійскай мяжы прыбыў у Оршу, далей былі Калодзішчы, Шабаны, Памыслішча, Дзегцяроўка, Крыжоўка, Маладзечна, Ашмяны і станцыя Баброўнікі ў Астравецкім раёне. Ён прыбыў на месца ў 00:30 у аўторак.
belzhd.com
