Уначы ў Беларусь заходзілі больш за тры дзясяткі "шахедаў"
"Шахед" / Reuters
Уначы 2 снежня ў Беларусь заходзілі крыху больш за тры дзясяткі "шахедаў" (рэкорд быў зафіксаваны 25 лістапада — 38). Дроны ляцелі ў напрамку Лоева, Брагіна, Рэчыцы, Мазыра, Гомеля і Хойнікаў.
"Шахеды" прыляталі з тэрыторыі Украіны і Расіі, некаторыя — паўторна (разварочваліся і заляталі з РФ у Беларусь і назад). 6 з дронаў зніклі, піша "Беларускі Гаюн".
Авіяцыю ў Беларусі не паднімалі.
Расійскія "шахеды" пачалі залятаць у Беларусь з ліпеня 2024 года. У канцы жніўня ў Ельскім раёне на Гомельшчыне быў збіты першы расійскі ўдарны беспілотнік. Эксперты мяркуюць, што расійскія "шахеды" могуць залятаць у Беларусь праз перашкоды ад комплексаў радыёэлектроннай барацьбы.
t.me/Hajun_BY/
