Ва Украіне новы сакратар Савета нацыянальнай бяспекі і абароны
![Аляксей Данілаў](/sites/default/files/styles/gallery_main/public/2024-03/1895885160_0_138_2801_1714_1920x0_80_0_0_45639efe7835fbf71dd587b3721d91f3.jpg.webp?itok=bHSwbLky)
Аляксей Данілаў / АР
Ва Украіне новы сакратар Савета нацыянальнай бяспекі і абароны. У аўторак стала вядома, што Уладзімір Зяленскі звольніў Аляксея Данілава. Новым сакратаром арганізацыі прэзідэнт Украіны прызначыў кіраўніка Службы замежнай выведкі Аляксандра Літвіненку. У СЗВ яго замяніў Алег Івашчанка, паведамляе hromadske.ua.
Данілаву 61 год. Ён — ураджэнец Луганскай вобласці Украіны. У Савет нацыянальнай бяспекі і абароны прыйшоў у 2019-м з Украінскага фонду падтрымкі прадпрымальніцтва, быў заступнікам сакратара, а неўзабаве стаў сакратаром.
З Аляксеем Данілавым звязаныя некалькі скандальных гісторый. Апошняя з іх адбылася 20 сакавіка, калі ён раскрытыкаваў пазіцыю Кітая па вайне ва Украіне і пры гэтым сказіў прозвішча спецпрадстаўніка Кітая Лі Хуэя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.