За ўдзел у мірным сходзе асудзілі мінскага маркетолага
Нацыянальны беларускі сцяг, ілюстрацыйнае фота / delfi.lt
Мінскага маркетолага Аляксандра Самайловіча судзілі ў Партызанскім судзе Мінска паводле "народнага" артыкула — ч. 1 арт. 342 КК (дзеянні, якія груба парушаюць грамадскі парадак).
18 красавіка суддзя Аляксандр Супічэнка абвясці прысуд. Як павеадмляюць праваабаронцы, Самайловічу прысудзілі два з паловай гады "хатняй хіміі" — абмежаванне волі без накіравання ў ПУАТ.
Да пасяджэння мужчына знаходзіўся пад вартай, яго вызвалілі пасля абвяшчэння прысуду.
Паведамляецца, што Самайловіч прызнаў віну. У пастанове суда гаворыцца, што наўмыснасць яго дзеянняў "з прычыны ягоных унутраных пратэсных перакананняў" нібыта пацвярджаецца фатаграфіяй з нацыянальным сцягам — "атрыбутам пратэснай накіраванасці і ягоных палітычных поглядаў".
