Арына Сабаленка захавала другое месца ў рэйтынгу WTA

Тэнісістка Арына Сабаленка засталася на другім радку рэйтынгу Жаночай тэніснай асацыяцыі (WTA). Топ спартсменак быў абноўлены ў панядзелак.

На мінулым тыдні беларуска выйграла толькі адзін матч на турніры ў Маскве, праз што страціла 365 рэйтынгавых балаў. Усяго ў актыве Сабаленкі 6750 балаў.

Вікторыя Азаранка апусцілася на адну пазіцыю — цяпер яна займае 27-е месца рэйтынгу (2201 бал). Аляксандра Сасновіч знаходзіцца на 86-м радку (850), Вольга Гаварцова — на 134-м (567).

Узначальвае рэйтынг WTA па-ранейшаму аўстралійка Эшлі Барці (9076 балаў), трэцяе месца займае чэшка Караліна Плішкава (5320).