Беларускія байцы ўдзельнічалі ў вызваленні агрэгатнага завода ў Ваўчанску

Беларускія добраахвотнікі ўдзельнічалі ў вызваленні ад расійскіх акупантаў агрэгатнага завода ў Ваўчанску ў Харкаўскай вобласці. Галоўнае ўпраўленне разведкі Мінабароны Украіны згадвае шэсць спецгруп спецпадраздзялення "Цімура", а сярод іх беларускія — "Беларускі добраахвотніцкі корпус" і "Тэрор". Яны правялі "надзвычай складаную і паспяховую аперацыю" і знішчылі акупантаў у трох дзясятках будынках прадпрыемства. Была праведзена іх "сістэмная зачыстка" з кантактнымі баямі, якія часам пераходзілі ў рукапашны бой. На заводзе захапілі палонных.